ہمارے بارے میں

’’الف اردو‘‘کے پلیٹ فارم پر آپ کو خوش آمدید کہتے ہیں۔ سوشل میڈیا نے ہر فرد کی تخلیقی صلاحیتوں کو اجاگر کرنے میں نہایت اہم کردار ادا کیا ہے۔ اس کی خوبیوں میں سے ایک سٹیزن جرنلزم کو فروغ دینا ہے یعنی اس نے ہر فرد کو نہ صرف صحافی بنا دیا ہے بلکہ اسے ادارتی و مالکانہ حقوق بھی عطا کر دیے ہیں۔ یہاں ہر فرد کو اپنی بات اپنے انداز میں کہنے کی آزادی ہے، اس ’آزادی‘ نے بہت خوبصورت لکھنے والوں کی ایک کھیپ پیدا کی ہے اور اسے لوگوں کے سامنے متعارف کروایا ہے۔ قلم کار تجربہ کار ہو یا اس نے اس دشت میں تازہ قدم رکھا ہو، سب کو قاری کی ضرورت ہے کہ قاری نہ ہو تو تخلیق کا مقصد فوت ہوجاتا ہے۔ سوشل میڈیا نے یہ کمی بھی دور کر دی ہے اور اب ہر لکھاری کے لیے ہزاروں قارئین دستیاب ہیں۔ ادارہ ’’الف اردو‘‘ کا مقصد ان لکھاریوں اور قارئین کو ایک مشترکہ پلیٹ فارم مہیا کرنا ہے ۔

ادارہ ’’الف اردو‘‘ہر طرح کے لکھنے والوں کی حوصلہ افزائی کرے گا، قطع نظر اس کے کہ ان کے مخصوص نظریات و تصورات کیا ہیں اور کس مذہب و مسلک، طبقے یا مکتب فکر کی نمائندگی کرتے ہیں۔ ادارہ ’’الف اردو‘‘قلم کاروں اور تمام قارئین کی آزادی رائے کا احترام کرے گا اور انہیں موقع فراہم کرے گا کہ وہ ہر موضوع پر اپنے مثبت اور تعمیری خیالات کا اظہار کرسکیں۔ اسلام، اسلامی علوم، تہذیب و تمدن کے علمی موضوعات کے علاوہ سیاست، ثقافت، معاشرت، معیشت نیز حالات حاضرہ اور تازہ واقعات پر متوازن اور بھرپور تبصرے اور جائزے پیش کیے جائیں گے تاکہ اسلام اور وطن عزیز کے بارے میں مثبت اور صحیح تصویر پیش کی جاسکے۔ دنیا کے ہر گوشے میں آباد اردو داں طبقہ ’’الف اردو‘‘کے ذریعے ایک دوسرے کے بارے میں معلومات کا تبادلہ کرسکتا ہے تاکہ ایک دوسرے کے بارے میں درست طور پر آگاہی ہوسکے۔ ادارہ ’’الف اردو‘‘کا مقصد معاشرے میں مثبت رویوں کو تحریک اور فروغ دینا ہے۔ اس کے لیے ضروری ہے کہ مختلف امور کے بارے میں واضح اور دو ٹوک رائے قارئین کے سامنے لائی جائے۔

ادارہ ’’الف اردو‘‘اپنے تمام قارئین کو اس بات کی دعوت دیتا ہے کہ وہ خود بھی مختلف مسائل پر اپنی رائے کا کھل کر اظہار کریں اور اس کے لیے ہر تحریر پر تبصرے کی سہولت کا استعمال کریں۔ جو بھی ویب سائٹ پر لکھنے کا متمنی ہو، وہ ادارہ ’’الف اردو‘‘کا مستقل رکن بن سکتا ہے اور اپنی نگارشات شامل کرسکتا ہے۔

’’اغراض و مقاصد‘‘

1- اعتدال، توازن اور دلیل کے ساتھ معلومات عامہ کی فراہمی
2۔ تمام مکاتب مکتب فکر مسلکی، لسانی ،علاقائی وابستگیوں اور فرقہ واریت سے پاک مشترکہ پلیٹ فارم کی فراہمی
3۔ اختلافی آرا کے لیے برداشت اور دلیل کے ساتھ مکالمے کے کلچر کا فروغ
4۔ اردو زبان و ادب کی ترویج
5۔ اسلام اور نظریہ پاکستان کا دفاع
6۔ نئے لکھاریوں اور بلاگرز کی حوصلہ افزائی، ٹریننگ کا اہتمام
7۔ بلاگرز کے لیے مکالمے کا اہتمام ، سیمینارز کا انعقاد
8۔’’الف اردو‘‘کے لیے لکھنے والوں کے لیے سالانہ ایوارڈز کا اہتمام